搵工應徵單剪速剪髮型師?6個面試見工小貼士!

單剪速剪面試見工小貼士

單剪(又稱速剪/快剪)店同傳統髮型屋,雖然都係理髮為主,但市場定位卻大有不同,單剪速剪店以快捷同比較廉價嘅收費吸引到一班捧場客,所以近年單剪速剪店真係愈開愈多。有新店自然就有新空缺請人招聘,所以單剪速剪店亦都成為左不少髮型師嘅搵工目標。

咁到底見工面試做單剪髮型師時,點先會令單剪速剪店老闆眼前一亮,立即聘請你成為其下一員?以下6個小貼士可能幫到你:

1)認清單剪速剪店名字

市面上咁多間單剪店,名字好多都大同小異,好易混淆,但對於老闆黎講,旗下髮型師最基本都要講得出自己舖頭個名,否則真係扣好多印象分架!

2)見工面試要準時

呢樣其實各行各業都適用,不過單剪速剪店分秒必爭,遲左幾分鐘都隨時無左單生意,老闆當然希望旗下髮型師有準時嘅習慣啦。可以的話,早5-10分鐘到就更好啦!

3)合適衣著實加分

髮型師每日工作就係要面對客人,一身衣著都好影響客人對髮型師同店舖嘅印象。除非有制服提供,否則老闆都會假設見工面試嘅衣著就係你返工時嘅大概衣著。當然又不需過份隆重,乎合番髮型師嘅身份就可以了。

4)自家工具隨身更稱心

髮型師見工面試少不免都要露番兩手,有最順手嘅剪刀都工具就自不然事半功倍,而老闆見到你人刀合一就更加覺得你專業度爆燈啦!

5)摸清單剪速剪店客路要求

單剪店又名速剪店,故名思義,就係要在指定時間內完成剪髮過程,當然成品都要有一定質素,但亦不能夠在速度上有太大落差,咁先可以乎合到客人同老闆嘅合理期望。

6)有獨擔大旗的風範

單剪速剪店一般佔地都比較小,可容納客人有時可能只有2-3人,每間店人手上好可能都係一個起兩個止,所以唔排除你就係店中唯一一個員工。若然於見工面試傾談中展現你嘅責任心同獨立能力,絕對係一大優勢!

當然,每個老闆可能都有佢地特別嘅請人準則,但以上6點做左都只會有利無害,有心在單剪速剪店大展拳腳嘅你,不妨參考一下啦!

未知邊間單剪速剪快剪請人?邊度有髮型職位空缺? 又或者你係髮型屋老闆想招聘請人? 

即上【招剪HairJobHK.com】搵好工/落招聘廣告啦! 

 

#單剪 #速剪 #快剪 #髮型師

#Salon #理髮 #剪髮 #搵工

#應徵 #面試 #招聘 #請人

#貼士 #tips #建議 #提示

想搵髮屋屋工作?即看【髮型屋最新工作招聘搜尋】

想學好常用英文?即看 【髮型行業英文術語及英文會話】

喜歡這篇請分享

Share on facebook
Share on telegram
Share on whatsapp
Share on linkedin
Share on twitter
Share on email

最新文章

× 聯絡我們